Gipamatud-an sa medical examiner sa Los Angeles County nga ang assistant vice president for administration sa Rustan Commercial Corporation nga si Paolo Tantoco namatay tungod sa epekto sa cocaine.
Kini napamatud-an base sa pormal nga taho kalabot sa kaso nga may numero 2025-04377.
Gisaysay sa dokumento nga ang iyang kamatayon giisip nga aksidente.
Apil usab sa taho ang posibleng atherosclerotic cardiovascular disease isip usa sa “uban pang importanteng kondisyon” nga nakaapekto sa kahimtang sa biktima.
Ang petsa sa pagkamatay gilista kaniadtong Marso 8, 2025, ug sa pagkasulat sa taho, ang kahimtang sa kaso gi-tag pa gihapon nga “open.”
Una na nga gipahibalo sa pamilya ni Paolo ang iyang kamatayon niadtong Marso 9, sa edad nga 44 anyos.
Si Paolo Tantoco usa sa mga miyembro sa pamilya nga nagtukod sa Rustan’s, usa sa pinakailadong retail chains sa Pilipinas.
Gawas sa iyang papel sa kompanya, ilado usab siya isip bana ni Deputy Social Secretary Dina Arroyo-Tantoco.
Gibiyaan niya ang iyang asawa ug ilang mga anak nga sila Alana, Bella, ug Zach.
