Gikatakdang mobalik na sa Pilipinas ang mga nahabiling tripulante nga Pilipino sa MV Magic Seas, ang usa sa duha ka mga barko nga nagdala sa mga Pilipino nga giatake sa mga rebeldeng Houthi sa Red Sea karon lang buwana.
Gikabutyag sa Department of Migrant Workers (DMW) nga ang 11 kabuok tripulante niabot na sa Ninoy Aquino International Airport kagabii, nga mokompleto sa kinatibuk-ang ihap sa mga repatriate gikan sa barko.
Ang Magic Seas nagdala sa 17 ka Filipino nationals nga naglawig sa PRed Sea niadtong Hulyo 6, sa dihang gisulong sa mga Houthis nga gipaluyohan sa Iran ang ilang pag-atake, nga sa nahimong hinungdan sa pagkalunod sa maong barko, apan, ang mga tripulante nakahimo sa pagbiya sa barko ug giluwas sa niagi nga container ship nga Safeen Prism.
Sa usa ka news forum, si DMW Undersecretary Bernard Olalia niingon nga ang tanang namalik nga mga tripulante nakatakdang makadawat sa hingpit nga suporta sa gobyerno, lakip na ang safety net sa porma sa pinansyal nga tabang nga nagkantidad ug P75,000 gikan sa DMW’s AKSYON Fund ug sa Overseas Workers Welfare Administration (OWWA) Emergency Repatriation Fund.
Samtang ang Department of Social Welfare and Development gilauman usab nga mohatag ug dugang P10,000 nga tabang pinansyal.|Bombo Irene Ardiente
