Nipasalig si Department of Social Welfare and Development (DSWD) Secretary Rex Gatchalian nga ang mga kahinguhaan sa hinabang sa ahensya anaa na ug ang mga disaster response team kay gi-aktibo alang sa bisan unsang mahitabo samtang ang Tropical Depression Crising nagdala og kusog nga pag-ulan sa nasud.
Matud niini nga ang Disaster Response Command Center (DRCC) sa ahensya sa Central Office sa Quezon City anaa na sa red alert status 24/7 isip tubag sa National Disaster Risk Reduction and Management Council (NDRRMC) Memorandum No. 170, s. 2025.
Diin ang DRCC sa DSWD nagsilbi nga sentro nga command center alang sa pagkoordinar ug pagpatuman sa mga operasyon sa pagtubag sa kalamidad sa ahensya.
Ubos sa red alert status, mas daghang back-up personnel sa DSWD ang mo-duty sa center aron mapadali ang gikinahanglang operasyon sa kalamidad.
Gihatagan usab ni Gatchalian og gibug-aton nga sa wala pa ang “Crising”, ang DSWD nag-preposisyon na sa 3 milyon nga mga kahon sa family food packs (FFPs) sa 934 ka storage hubs sa tibuok nasud.
Gidugangan kini sa padayon nga paggama sa bag-ong mga hinabang sa mga nag-unang bodega sa ahensya, ang National Resource Operations Center (NROC) sa Pasay City ug ang Visayas Disaster Resource Center (VDRC) sa Mandaue City sa lalawigan sa Sugbo.
Matud pa ni Gatchalian nga kining tanan nga mga proactive approach nahiuyon sa mando ni Presidente Ferdinand R. Marcos Jr.
Gimandoan usab ni Gatchalian ang tanang Field Offices (FOs) sa ahensya sa tibuok nasod sa pagsiguro nga ang mga disaster response personnel ma-deploy dayon ug ang mga relief goods dali nga maapod-apod sa mga lugar nga nanginahanglan og tabang bisan unsang orasa sa adlaw.
