Gisusi ni Mandaue City Mayor Thadeo “Jonkie” Ouano ang nagpadayon nga flood control project sa Sitio Orel, Barangay Banilad, Mandaue City adlawng Biyernes, Hulyo 18.
Ang proyekto kabahin sa ikaduhang hugna sa mga paningkamot sa pagpaminus sa baha sa dakbayan samtang ang unang hugna, nga nahimutang dapit sa Rolling Hills, hingpit nang nahuman.
Gibanabana nga mahuman sa buwan sa Oktubre ning tuiga ang flood control initiative nga gilaumang makatabang pag-ayo sa pagsulbad sa pagbaha sa A.S. Fortuna Street sa Barangay Banilad, dakbayan sa Mandaue.
Mibutyag si Ouano, nga dili sila gusto mo saad nga dili matuman apan nanghinaot nga mas mo improve ang sitwasyon sa gisagubang nga problema sa baha.
Sigon usab niini nga dakong hagit sa local government unit sa dakbayan sa Mandaue ang pagpa-relocate sa mga 38 ka mga pamilya nga nahimutang sa ubos nga bahin nga balhinan puhon sa inagay sa tubig baha.
Misaad usab kini nga paningkamotan nila pag-ayu nga ma relocate ang mga residente sa katapusang bahin sa tuig aron wala nay sagabal sa pagtrabaho sa maong proyekto.| Bombo Nathaniel Sandoval
