-- ADVERTISEMENT --

Nagkauyon sa usa ka ceasefire ang Syria ug Israel.

Kini ang gikumpirma ni US Ambassador to Turkey Tom Barrack, kinsa gisuportahan sa Turkey, Jordan ug uban pang silingang mga nasud sa Middle East.

Giawhag usab sa US envoy ang mga Druze, Bedouins ug Sunnis minorities nga itugyan ang ilang mga armas ug makig-uban sa ubang mga minorya sa pagtukod og bag-o ug nagkahiusang Syria alang sa kalinaw ug kalamboan sa mga silingang nasud.

Sa sayo pa, giingon sa Israel nga gitugotan niini ang mga pwersa sa Syria nga adunay limitado nga pag-access sa Suwayda sa habagatang Syria sa sunod nga duha ka adlaw.

Ang ceasefire nahitabo human ang Israel naglunsad og mga airstrike sa Syria niadtong Miyerkules, Hulyo 16 nga giingong aron panalipdan ang Druze, usa ka Arabong relihiyosong minoriya sa Syria.

-- ADVERTISEMENT --

Sa sayo pa, miulbo ang mga panagsangka tali sa mga pwersa sa gobyerno sa Syria ug Druze, nga nagpatay sa labaw sa 300 ka mga tawo sukad sa pagkapukan sa rehimen sa Syrian dictator nga si Bashar al-Assad.