Gitay-og og duha ka kusog nga linog ang baybayon sa rehiyon sa Kamchatka sa silangang Russia gahapong adlawa sa hapon.
Mao kini ang gipaambit sa German Research Center for Geosciences (GFZ), diin ang una nga linog, nga 6.2, natala sa giladmon nga 10 kilometers ug gisundan sa laing linog nga 7.5.
Nabati ang pagtay-og sulod sa usa ka minute hinungdan nga daling nanggawas ang mga tawo sa building ug giisa dayon ang alerto.
Ingon man nga walay natalang danyos o naangol gumikan sa linog.
Gitangtang na usab sa Pacific Tsunami Warning Center ang hulga sa tsunami sa Kamchatka Peninsula human sa duha ka linog.
Walay natalang danyos o naangol gumikan sa linog.
Samtang, nipasalig ang Philippine Institute of Volcanology and Seismology (Phivolcs) nga walay hulga sa tsunami sa Pilipinas human sa magnitude 7.5 nga linog miigo sa silangang baybayon sa Kamchatka, Russia.
Kini bisan paman nga posible ang tsunami sa mga baybayon sulod sa 300 kilometros gikan sa epicenter sa linog, giklaro sa ahensya nga wala’y hulga sa makadaot nga tsunami sa Pilipinas.
