Nakadawat ang Department of Energy (DOE) og kapin sa P57 milyones gikan sa Philippine Charity Sweepstakes Office (PCSO) isip kabahin sa tinuig nga kontribusyon niini sa Renewable Energy Trust Fund (RETF), subay sa Renewable Energy Act of 2008.
Nasayran nga ang maong pundo nagtumong sa pagpasiugda og mga proyekto alang sa limpyo ug makabag-o nga mga teknolohiya sa enerhiya.
Subay sa Department Circular No. DC2022-06-0018, ang DOE aktibong nagdumala sa Renewable Energy Trust Fund kauban ang mga ahensya sama sa Department of Science and Technology (DOST) ug DOST-PCIEERD.
Dugang pa, ang pondo karon nagsuporta sa mga proyekto sama sa malungtarong produksiyon sa gasolina sa aviation, mapa sa pagbag-o sa enerhiya, ug mga pagtuon sa merkado sa solar PV.
