Nipaambit si House Speaker Ferdinand Martin Romualdez nga nangandam na ang House of Representatives sa pagduso og motion for reconsideration sa desisyon sa Korte Suprema nga nagdeklarar og impeachment complaint batok kang Bise Presidente Sara Duterte.
Sa sayo pa, gideklarar sa Korte Suprema nga unconstitutional ang reklamo batok sa bise presidente.
Alang sa mga mahistrado, gilapas sa House ang usa ka tuig nga pagdili sa impeachment proceedings para sa usa ka impeachable official.
Matod nila wala gisunod ang due process, lakip na ang katungod nga paminawon ni VP Sara una ang rekamo usa ipadala ngadto sa Senado.
Bisan og gibasura ang kasamtangang impeachment, giklaro sa SC nga mahimo pang ipasaka pag-usab ang impeachment complaint human sa usa ka tuig sa Pebrero 2026.
Matod sa tigpamaba sa House of Representatives nga si Atty. Princess Abante, ang pagsang-at sa mosyon kabahin sa ilang katungdanan sa pagdepensa sa gahom sa Konstitusyon sa Kongreso sa pagpahigayon og impeachment.
Sa laing bahin, daghang mga magbabalaod, lakip na si Sen. Francis “Kiko” Pangilinan, ang misugyot nga gamiton ang Doctrine of Operative Facts isip argumento sa mosyon.
Kini nagtumong sa pag-ila sa mga epekto sa impeachment sa dili pa kini ideklarar nga unconstitutional, ug aron dasigon ang SC nga ikonsiderar pag-usab ang desisyon.
