Gipaambit sa Inter-Agency Council Against Trafficking (IACAT) nga mokabot sa 375 ka mga Pilipino nga nabiktima sa human trafficking ang napauli sa nasud gikan sa Enero 1 hangtod Hunyo 30, 2025.
Matod ni Inter-Agency Council Against Trafficking (IACAT) Executive Director Hannah Lizette Manalili sa Department of Justice (DOJ), kadaghanan sa mga na-repatriate, biktima sa forced labor sa mga scam hub sa Myanmar, Cambodia, Lebanon, ug Malaysia.
Ingon man nga gihimug-atan niini nga padayon gihapon ang pagdaghan sa ihap sa mga Pilipino nga nabiktima sa human trafficking matag tuig.
Dugang ni Manalili, kasagaran sa mga biktima gikan sa mga kabus nga pamilya, nga mas daling mailad sa mga illegal recruiter.
Sa 2024, 387 ang na-repatriate – gikan sa 335 kaniadtong 2023.
