Gipaambit ni Israeli Prime Minister Benjamin Netanyahu nga kinahanglan na nga mapildi ang Hamas sa Gaza aron buhian ang nahabilin nga mga binilanggo, mga adlaw sa wala pa ang gabinete gikatakda nga maghisgot sa usa ka bag-ong plano sa gubat.
Basi sa taho nga giingong gihunahuna karon ni Netanyahu ang hingpit nga pag-okupar sa Gaza Strip, bisan pa nga nagkakusog ang panawagan sa internasyonal sa pagtapos sa gubat.
Gipasidan-an sa United Nations ang Israel nga ang lakang mahimong mosangpot sa usa ka “dako nga trahedya” alang sa mga Palestinian ug mabutang sa peligro ang nahabilin nga mga gihuptan.
Atol sa pagbisita sa army training facility, gipasiugda ni Netanyahu ang panginahanglan sa pagsiguro nga ang Gaza dili na maghatag og hulga sa Israel, gawas pa kini sa gipahigayon nga tulo ka oras nga meeting sa mga hepe sa kasundalohan apan wala magpagawas og bag-ong plano.
Kusganon usab nga gisupak sa Palestinian Authority ug sa Gaza Hamas-run government ang maong plano. Giingon sa Hamas nga dili kini usbon ang posisyon niini sa mga pakigpulong sa ceasefire, ug ang panawagan niini alang sa kalingkawasan sa Gaza nagpabilin nga wala mausab.
