Pormal nang giablihan sa kagamhanang lalawigan sa Sugbo ug sa Department of Health – Central Visayas (DOH-7) ang duha (2) ka mga Sugbo Bagong Urgent Care and Ambulatory Services (SugBUCAS) Centers sa Barangay Capitol Site ug Sudlon ning dakbayan sa Sugbo niadtong Miyerkules, Agosto 6, 2025.
Ang duha ka mga SugBUCAS Health Centers kay gidumala sa mga eksperto sa medisina gikan sa Vicente Sotto Memorial Medical Center (VSMMC).
Gani ang maong okasyon sa pag-abli kay natakdo sa kasaulogan sa Founding Anniversary sa Sugbo karogn tuiga nga gitambongan nilang Cebu Provincial Governor Pamela “Pam” Baricuatro, Vice-Governor Glenn Anthony Soco, Cebu City Mayor Nestor Archival Sr., DOH Assistant Secretary Christian Saquilabon, VSMMC Medical Chief Dr. Gerardo Aquino ug uban pa.
Nagtumong ang maong pasilidad nga makadalit og mas daling access sa medical check-ups, treatment sa minor injuries ug illnesses, health screenings para sa early problem detection.
Gani ang SugBUCAS Capitol kay nagdalit sab og minor surgeries samtang ang SugBUCAS Sudlon kay adunay full outpatient ug urgent care clinic nga abli para sa mga walk-in patients nga aduna lay non-serious health problems.
Dugang pa nga aduna pud kiniy check-ups, tests, ug follow-up visits.
Ang duha ka mga bag-ong health centers kay nagtimaan sa ika-upat nang pasilidad sa Sugbo diin ang unang duha kay nahimutang sa Isla sa Bantayan ug dakbayan sa Carcar.
