Ang nasudnong panggamhanang ang nagpatuman sa mga flood control projects sa lalawigan sa Sugbo nga gikabutyag sa nahimong press conference ni Presidente Ferdinand “Bongbong” Marcos Jr. niadtong adlaw sa Lunes, Agosto 11, 2025.
Kini ang gipamahayag ni Cebu Provincial Vice-Governor Glenn Anthony Soco sa eksklsibong pakighinabi niini sa Bombo Radyo Cebu Newsteam diin matod pa niini nga adunay provincial ordinance ang Kapitolyo kabahin sa ahensya sa gobyerno partikular na ang Department of Public Works and Highways (DPWH) nga makig-alayon sa kagamhanang lalawigan kung magpatuman kini og mga proyektong imprastruktura.
Saysay niini nga ang maong ordinansa nga napasar niadtong tuig 2023 kay nanginahanglan og pagtugot sa Sagguniang Panlalawigan sa katuyuan nga ang mga proyektong pagabuhaton kay adunay review sa mga distrito sa Sugbo.
Ingon man nga matod pa ni Soco nga nahinabi na nila si Governor Pamela “Pam” Baricuatro kabahin niini aron masuta ang tibuok proseso sa proyekto gikan sa pagplano hangtod sa pagtapos.
Gani sumala pa ni Soco nga suportado niini ang tinguha ni Presidente Marcos Jr. sa pagtulisok sa mga kontractor sa mga proyektong imprastruktura aron malimpyo sa mga posibleng kahiwian ang transaksyon sa gobyerno. | Bombo Ken Apor
