Human nag-antos sa tubig-uwan ug trucked-in supply sa tubig ang Guba Community Hospital sulod sa pipila ka dekada, sa kasamtangan makabaton na gyud kini og hingpit nga water supply, isip kabahin sa nagsunod-sunod nga pagpalambo nga giingun ni Cebu City .
Community Hospital sa dakbayan sa Sugbo aduna nay linya sa tubig Mayor Nestor Archival Sr.
Sa maong kalampusan, gikompirmar kini ni Archival nga ang maong hospital konektado na kini sa kasaligang linya sa suplay sa tubig mao ang Metropolitan Cebu Water District (MCWD), nga mao ang hinungdan nga naputol na ang 50 ka tuig nga pag-antos ug pakigbisog sa makanunayon nga suplay sa tubig.
Subay sa maong kalihokan sa naasoyng dapit, nahiuyon kini sa paghatud sa critical medical equipment, ug 35 ka mga bag-ong hopsital bed, bag-ong x-ray machine, ug sa sunod semana, laoman pa ang dugang suplay niini.
Sa personal nga pagbisita ni Archival sa maong ospital, lakip sa nasusi niini ang padayon nga pag-upgrade sa elektrisidad, diin ang pasilidad nagbalhin gikan sa single-phase ngadto sa usa ka three-phase power system aron pagdumala sa mga bag-ong kagamitan.
Gawas niini, lakip sa nasuta sa mayor mao ang nagpadayon nga pag-ayo sa mga instruktura aron masulbad ang pagbaha tungod sa nahugno nga luyong bahin sa bungbong, diin ang tubig yano rang makasulod sa maong building, busa mas gipadalian niini ang pagpatrabaho aron malikayan ang mga possibleng kadaot. | Bombo Irene Ardiente
