Palig-onan pa sa Department of Finance (DOF) ang mga regulasyon niini sa online gambling, lakip na ang pagdili sa mga kawani sa gobyerno ug mga indibidwal nga ubos sa 21-anyos ang edad sa pag-apil niini.
Ingon man ang plano sa pagdili sa mga government-owned-and-controlled corporations (GOCCs) sa pagpamuhunan sa mga kompanya sa online gambling.
Susihon usab sa DOF ang P1 bilyon nga puhunan sa GSIS sa DigiPlus, ug gipasalig nga ang Maharlika Investment Fund walay puhunan sa online nga sugal.
Kasamtangang gitun-an sa ahensya ang pagpataas sa buhis sa industriya, gikan sa 25% ngadto sa 45% sa gross gaming revenues (GGR).
Gani, magpahigayon og summit aron hisgutan ang mga isyu pinaagi sa whole-of-government approach.
Gipaambit usab nga nagpadayon ang gobyerno sa paghimo og mga lakang aron masiguro nga ang mga Pilipino dili maadik sa sugal.
