Kusganong gikondenar ni Washington DC Mayor Muriel Bowser ang pagpadala sa mga tropa sa US National Guard sa Washington DC, nga gimando ni US President Donald Trump isip tubag sa bangis nga krimen sa siyudad.
Gipakatap ang mga tropa sa National Guard ug armored vehicles sa mga sentro sa kasyudaran ug mga tourist spot kaniadtong Martes sa gabii, diin nikabot sa 800 ka mga tropa sa National Guard ug 500 ka federal agents.
Gitawag ni Bowser ang lakang sa Presidente nga “authoritarian Push’ ug gipanghimakak ang giingong nagkagrabe nga krimen sa siyudad.
Sa laing bahin, mihulga si Trumo nga mohimo og susamang aksyon sa New York ug Chicago, nga parehong gipangulohan sa mga Democrats.
Sumala sa White House, gidakop sa mga ahente sa federal ang 23 ka tawo tungod sa pagpatay, pagpamusil, ilegal nga droga, ug uban pang mga kaso.
“Kini ang sinugdanan ra,” ingon si press secretary Karoline Leavitt, nga nagpasidaan sa daghang mga pag-aresto sa umaabot nga mga semana.
Apan si Mayor Bowser niinsister sa usa ka town hall nga ang mga residente kinahanglang makig-away alang sa kagawasan sa siyudad.
Giawhag usab niya ang publiko nga suportahan ang pagpili sa usa ka Demokratikong Balay ingon usa ka “backstop” batok sa pagmando ni Trump.
Gi-report sa pulisya ang 35% nga pagkunhod sa mapintas nga krimen sa lungsod sa miaging tuig, apan pipila ka mga grupo nag-ingon nga ang datos mahimo’g peke.
Tungod kay ang datos sa FBI nagpakita sa usa ka 9% nga pagkunhod.
