Giaprobahan sa International Criminal Court (ICC) ang hangyo sa kampo ni kanhi Presidente Rodrigo Duterte nga suspensuhon ang pipila ka mga deadline sa pagsumiter sa pipila ka mga dokumento samtang nag-recess ang korte.
Gipauna na og sumiter sa ICC Pre-trial Chamber I ang defense team sa kanhi Presidente sa public version nga usa ka confidential document, butang nga wala gipalagan sa defense team basi usab ni lead counsel Nicholas Kaufman.
Kalabot niini, gitugot sa kamara ang hangyo sa defense team nga suspensuhon ang pipila ka mga deadline gikan sa Hulyo 25 ug gilugwayan kini hangtod Agosto 18, 2025.
Sa laing bahin, ang Pre-Trial Chamber nagpagawas usab og report nga naglangkob sa tanang desisyon nga gihimo tali sa Mayo ug Hulyo ning tuiga, apan ang pipila ka bahin sa report ug 36 ka mga annexes gihimong pribado samtang ang sensitibong impormasyon gikuha alang sa seguridad.
Sa pagkakaron, si kanhi Pang. Si Duterte anaa sa ICC detention facility nga nagpaabot sa gikatakdang kompirmasyon sa mga kaso batok kaniya tungod sa mga krimen batok sa katawhan may kalabotan sa giingong pagpamatay ubos sa iyang kampanya sa war on drugs niadtong Setyembre 23.
