Kapin sa 300 ka mga tawo ang namatay sa amihanan-kasadpang Pakistan pagkahuman sa duha ka adlaw nga kusog nga pag-ulan ug pagbaha, matod pa sa mga lokal nga opisyal kaniadtong Sabado, Agosto 16, 2025.
Nagpadayon ang mga paningkamot sa pagluwas ug paghawan sa mga nabara nga mga dalan uban ang pagpagawas sa mga pondo sa emerhensya, ingon man nga gipanglantawan magpadayon ang pag-uwan hangtod Agosto 21.
Ang mga cloud burst, kalit nga pagbaha, pagpangilat, pagdahili sa yuta, ug pagkahugno sa mga building maoy hinungdan sa labing makamatay nga yugto sa ting-uwan karong tuiga sa maong nasud.
Sa sayong bahin niadtong Sabado, 307 ang nakumpirma nga patay, uban ang daghang mga tawo nga nangawala sa kabukiran sa rehiyon sa Khyber Pakhtunkhwa, sumala sa Provincial Disaster Management Authority.
Dili lang sa Pakistan apan lakip na ang mga bahin sa silingang India ug Nepal ang naigo pag-ayo sa kusog nga pag-uwan, pagbaha ug uban pang mga insidente nga may kalabutan sa uwan sa miaging semana.
