Nipahibalo si Ukrainian President Volodymyr Zelensky nga mobyahe siya pagbalik paingon sa White House aron makigkita kang US President Donald Trump karong adlawa, Lunes, Agosto 18, 2025.
Buot ug tumong sa Presidente sa Ukraine mao ang paghisgut sa pagtapos sa gubat sa Ukraine.
Ang gikatakda nga pagbisita ni Zelensky sa White House nagsunod sa usa ka summit o one-on-one meeting tali ni Trump ug Presidente sa Russia nga si Vladimir Putin sa Anchorage, Alaska kaniadtong Sabado.
Bisan napakyas si Trump sa pagsiguro sa usa ka kasabutan uban ni Putin bahin sa gubat sa Ukraine, sila gikataho nga nakahukom sa pagtrabaho sa usa ka kasabutan sa kalinaw aron hingpit nga tapuson ang gubat tali sa Russia ug Ukraine ug dili lamang usa ka ceasefire.
Kahinumdoman nga kontrobersyal ang kataposang tigom tali ni Zelensky ug Trump sa Oval Office sa White House sa Washington DC niadtong Pebrero 28 ning tuiga human natapos sa panaglalis ang bilateral meeting tali sa duha nga niresulta sa pagkanselar sa gikatakdang pagpirma sa rare earth mineral agreement ug gi-escort si Zelensky sa White House.
