Gakanga-kanga ug dili halos makatubag ang tag-iya sa QM Builders nga si Allan Quirante sa gihimong pag-gisa ni Senador Rodante Marcoleta kaniya tungod sa iyang gubot nga pamahayag.
Wala kapugngi sa Senador nga moinit ang ulo ug mibuhi og pulong nga duna siyay martilyo sa iyang kamot ug daw nanghulga tungod sa pangisi-ngisi ni Quirante.
Ang QM Builders maoy usa sa mga nag-unang contractor nga giingong nakadaog og daghang flood control projects sa probinsya sa Sugbo, hinungdan nga usa usab kini sa giimbestigahan sa Senado tungod sa pagdaog og multiple bids sa Department of Public Works and Highways (DPWH), nga adunay mga proyekto nga nagkantidad og kapin P500 bilyon.
Si Quirante, nga taga Dumanjug, Cebu ug gikonsiderar nga usa sa labing dako nga kontraktor sa rehiyon, gipatawag aron tubagon ang mga pangutana uban sa ubang mga kompanya nga nalambigit sa mga proyekto.
Unang niinsister si Quirante nga siya kay sole proprietor, apan dili siya ang incorporated butang nga nakahatag og kalibog sa senador.
