Dulan gatosan ka mga pasyenteng medikal ang nakatagamtamg sa libreng surgical procedures nga giandam sa Kagamhanang Lalawigan sa Sugbo sa ikatulong hugna niini sa Medical and Surgical Mission nga gipahigayon sa Provincial Hospital sa lungsod sa Balamban niadtong Agosto 23-24, 2025.
Ang duha ka adlaw nga medical mission kay kabahin gihapon sa usa ka buwang selebrasyon sa Kapitolyo sa ika-456 nga Founding Anniversary sa probinsya ubos sa mando ni Cebu Provincial Governor Pamela “Pam” Baricuatro.
Gani dugang pa ni Gov. Baricuatro nga ang taas sa ihap sa mga pasyente kay nagtimaan lang sa unsa ka gikinahanglan sa mga Sugbuanon ang accessible nga serbisyong medikal.
Ang mga doktor kay nakapahigayon og 26 ka mga major surgeries lakip niini ang Thyroidectomy, Herniorrhaphy, Laparoscopic Cholecystectomy, and Below-Knee Amputation.
Ingon man dugang pa ang 67 ka mga minor surgeries sama sa Lipoma excision, cyst excision, ug uban pa aron mapagaan ang kondisyon sa mga pasyente sa ilang inadlaw-adlaw nga kinabuhi.
Ubang serbisyo nga gipahigayon kay mao ang 267 ka mga dental procedures, 57 ka mga legal aid consultations sa Integrated Bar of the Philippines – Cebu Chapter, 95 ka mga HIV Screenings, ug 342 OPD consultations.
Mipadangat sa ilang pasalamat ang Kapitolyo sa Sugbo nga mga niabag sa maong kaligokan aron mamahimo kini malampuson.
