Nihimo og kusganong pag-apelar si Pope Leo sa global community aron tapuson ang hapit duha ka tuig nga panagbangi tali sa Israel ug Hamas.
Ang Santo Papa kay nanawagan alang sa usa ka permanente nga ceasefire, ang pagpagawas sa mga hostage nga gihuptan sa Gaza ug ang paghatag sa humanitarian aid.
Nangamuyo kini nga ang tanang mga hostage kay buhian, luwas nga pagsulod sa mga humanitarian aid ug mapadali, ug ang internasyonal nga makatawhanong balaod hingpit nga respetuhon.
Ingon man nga wa hinganli sa Papa ang Israel o ang Palestinian militanteng grupo nga Hamas, apan miingon nga ang internasyonal nga balaod nagkinahanglan sa obligasyon sa pagpanalipod sa mga sibilyan.
Ingon man ang pagdili batok sa kolektibong silot, walay pili nga paggamit sa pwersa, ug ang pinugos nga pagbakwit sa populasyon.
