Giawhag sa Department of Trade and Industry (DTI) ang publiko nga mas magmabinantayon ug magmatngon sa ilang pagpalit sa online.
Kini nga panawagan nagtumong sa pagpanalipod sa mga konsumidor gikan sa nagkadaghan nga mga scam ug mga pagpanglimbong sa lainlaing mga online platform.
Mahinungdanon alang sa mga konsumedor nga masiguro nga ang mga online nga negosyante nga ilang gipalit adunay Trustmark.
Ang Trustmark nagsilbing importanteng timailhan nga lehitimo ug kasaligan ang negosyante, nga makatabang sa paglikay nga mahimong biktima sa mga scam o “budol.”
Matud ni Trade Secretary Christina Roque, aminado ang ahensya nga padayon gihapon ang mga scammer nga nag-operate nagkalain-lain nga online platforms.
Tungod niini, gihingusgan sa DTI ang ilang mga lakang sa pagsumpo sa online fraud ug pagpanalipod sa mga konsumidor.
Atol sa diskusyon sa budget sa ahensya, gipasabot ni Trade Assistant Secretary Marcus Valdez sa E-Commerce Bureau ang sertipikasyon nga gihatag sa DTI sa mga lehitimong produkto ug online sellers.
