Gihangop sa daghang mga senador ang pagkatudlo kang Department of Transportation Secretary Vince Dizon isip bag-ong mangulo sa Department of Public Works and Highways (DPWH) human gidawat ni President Ferdinand Marcos Jr., ang resignation ni Secretary Manuel M. Bonoan nga epektibo karong adlawa.
Ning anaa sa kritikal nga transisyon, gitahasan si Dizon sa paghimo sa hingpit nga organisasyonal nga pagpanilhig sa Departamento ug pagsiguro nga ang publikong pundo gamiton lamang alang sa imprastraktura nga tinuoray nga nanalipod ug nakabenepisyo sa katawhang Pilipino.
Matud ni Senador Ping Lacson nga lisod ang nahimong desisyon sa Presinte apan maayo ang iyang napili nga mohulip kay matud niini Nakita niya kung unsa moresolba og mga problema sa sector sa transportasyon.
Ingon man si Senate President Francis “Chiz” Escudero nga nanghinao ug nag-ampo alang sa kalamboan ug kaayohan sa bag-ong pagdumala ni Sec. Dizon.
Nakadayeg usab sila si Sen. Jinggoy Estrada ug Sen. Erwin Tulfo tungod sa gipakita nga maayong performance ni Dizon ug maayong pagsugod kini aron hingpit na gayud nga malimpyo ang buhatan sa DPWH.
