Wala gapaligoy-ligoy si Pasig City Mayor Vico Sotto sa pagtawag og Habitual liars sa magtiayong Discaya, kinsa tag-iya sa construction firms nga nalambigit sa mga anomalosong flood control projects.
Naasoy niini nga ang mga Discaya ilado na sa lokal nga pulitika ug construction circles sa hugna palang sa unang paglingkod isip mayor niini, ug namatikdan usab niini nga daghang mga istorya ang nagpalibot bahin sa ilang mga transaksyon, apan gilimitahan niya ang iyang pagpamatuod sa mga butang nga personal niyang naobserbahan.
Gitumbok usab niini nga ang mga bag-ong imbestigasyon ug mga taho nagbutyag kung unsa ka lawom ang construction empire sa mga Discaya.
Dugang pa niya nga halos tanang mga kompanya adunay pending tax deficiencies, ang uban sa Bureau of Internal Revenue (BIR) ug matod niya nga sigurado aduna usab sa lokal nga kagamhanan.
Gipasabot ni Sotto nga sa higayon nga nag-apil-apil pa sa local bidding ang mga kompanya sa Discaya niadtong mayor pa siya, tungod kay hugot nga gipatuman sa Pasig ang open ug public bidding matod pa ni Sotto.
Bisan og gagmay ang mga kontrata nga ilang nadaog sa Pasig, namatikdan niya nga ang mga kontrata gikan sa Department of Public Works and Highways (DPWH) nikabat og dagkong kantidad.
Direkta usab niyang gikuwestiyon ang kredibilidad sa magtiayon ilabi na nga ang ilang gipanumpaan nga salaysay giingong gipaubos sa ilang kita.
Sa maong punto ni Sotto, gipalig-unan kini pamaagi sa paglista sa mga numero nga nagpamatuod nga imposible ang ilang pangangkon, kay ang ilang kaugalingong public statements nagbutyag sa mga kontradiksyon sa ilang depensa.
Gipahimangnoan usab sa mayor nga bisan tinuod nga adunay kurapsyon sa nagkalain-laing ang-ang sa gobyerno, ang mga Discaya tuyo nga maglibog-libog lang sa isyu pinaagi sa paghisgot sa daghang mga ngalan ug personalidad nga walay ebidensya.
