Gikompirmar sa Philippine Embassy sa Qatar nga walay Pinoy nga naangol sa Israeli airstrike sa dakbayan sa Doha kagahapong adlawa.
Gikataho nga gipunting sa opensiba ang daghang mga lider sa Hamas nga temporaryong nagpuyo sa nasud, ug gikataho usab nga naluwas ang mga subject sa pag-atake.
Apan bisan paman nga kung luwas ang mga Pinoy, ang embahada nanawagan alang sa padayon nga pag-amping taliwala sa mga tensiyon sa rehiyon.
Samtang ang Department of Foreign Affairs (DFA) padayon nga nagmonitor sa sitwasyon aron masiguro ang kaluwasan sa kapin 260,000 ka mga Filipino nga nagpuyo sa Qatar.
Sa napunting usab gikan ni Bombo International News Correspondent Joseph Rivera nitaho nga daling miresponde ang mga awtoridad sa Qatar human sa pagbuto.
Gilayon usab nga gi-cordon ang lugar ug giasikaso usab ang mga patayng lawas sa mga sundalo.
Sa maong panghitabo, gitambagan ang mga Filipino nga likayan ang paggawas gawas kung gikinahanglan, magpabiling alerto sa mga balita ug abiso gikan sa lokal nga mga awtoridad, ug sa pag kontak sa embahada alang sa bisan unsang emerhensya.
