Nabalaka si Ako Bicol Rep. Elizaldy Co sa posibilidad nga maapil si Baguio Mayor Benjamin Magalong sa independent commission sa pag-imbestigar sa giingong mga anomalya sa flood control projects.
Giinsister ni Co nga dili mamahimong patas si Magalong sa himoong imbistigasyon tungod kay giisip na kini nga ‘mastermind’ ug gilambigit sa isyu nga nakabasi lang sa mga hungihong.
Kini nunot sa gipublikar ni Presidente Ferdinand Marcos Jr. nga lakip ang Sunwest construction, kompanya nga siya ang co-founded ug nakakuha og bilyon-bilyong pesos nga kantidad sa flood control projects.
Butang nga gihimakak sa Kongresista ug miingon nga dugay na kini nga nag-divest.
Una niini, gibutyag ni Magalong nga dunay opisyal nga mas taas kang Co nga nalambigit sa mga anomalosong flood control projects.
Gisaway usab sa grupong Volunteers Against Crime and Corruption (VACC) ang nagpadayong imbestigasyon sa Kongreso nga matod pa ni VACC President Arsenio ‘Boy’ Evangelista nga usa lamang ka political agenda ug nakapalibog sa publiko.
