Personal nga nitambong karong adlawa si Bise Presidente Sara Duterte sa pagdungog sa House Committee on Appropriations kalabot sa gisugyot nga P902.8 milyones nga budget sa iyang buhatan alang sa tuig 2026.
Ang deliberasyon gihimo sa ubos Balay Balauranan, diin gihisgotan ang alokasyon sa pundo alang sa Office of the Vice President (OVP).
Kahinumduman nga gi-reschedule ang hearing human wala makatambong si VP Duterte niadtong miaging semana hinungdan nga gi-postpone sa komite ang orihinal nga schedule.
Niadtong Septiyembre 12, si VP Duterte o bisan usa ka undersecretary wala makatambong sa unang gikatakda nga pagdungog.
Hinuon, usa ka assistant secretary ang gipadala sa OVP, apan wala kini dawata sa komite isip igong representante.
Matod sa mga magbabalaod, tradisyon na sa Kamara nga kinahanglang motunga sa budget hearing ang pangulo sa ahensya o kaha undersecretary.
Kalabot niini, niluwat og pamahayag ang OVP nga andam motambong si VP Duterte niadtong Septiyembre 12, apan gikatahong gitambagan sa budget sponsor nga dili na lang ipadayon human masayri nga walay undersecretary nga makatambong.
Ang OVP nangayo og P902.8 milyones alang sa 2026, mas taas sa P744 milyones nga alokasyon karong tuiga.
Matod sa buhatan, ang dugang pundo gamiton sa pagpalapad sa mga programa ug serbisyo sa OVP.
Sapikas bahin, gitubag usab sa Bise-Presidente ang mga pangutana ug pasangil nga adunay pundo sa katawhan nga gigamit sa tanang overseas-travel trip sa opisyal
