CEBU CITY- Miabot sa dul-an 500 ka mga benepisyaryo ang nakapanghimulos sa Benteng Bigas Meron Na! Rice Project para sa sektor sa transportasyon niadtong aldawng Martes, Septiyembre 16, 2025.
Kadaghanan sa mga niini kay sakop sa mga Tricycle Operators and Drivers Association (TODA) sa dakabayan sa Sugbo atol sa maong rollout sa programa nga gipahiayon sa Food Terminal Inc. Compound sa Pier 6, North Reclamation Area ning dakbayan sa Sugbo.
Gani sa pakighinabi kang Benjie Bala, ang Rice Program Manager sa Department of Agriculture – Food Terminal Incorporated (DA-FTI) nga lakip ang Sugbo sa lima ka mga pilot cities diin giimplementar kini sa mga sakop sa sektor sa transportasyon sama sa mga drivers ug operators ug plano pa kini palapdan sa umaabot nga mga buwan.
Ingon man nga naka-avail ang mga benepisyaryo og tag 10 kilos sa bugas sa maong programa sa kinatibuk-ang 100 ka sako sa bugas humay ang napamaligya.
Gipasiugdahan ang maong kalihokan sa DA-FTI, National Food Authority (NFA), Land Transportation Franchising and Regulatory Board (LTFRB), Cebu City government ug Department of the Interior and Local Government – Central Visayas (DILG-7).
