Gipahibalo ni US President Donald Trump nga ang iyang militar nihimo na usab og airstrike sa usa ka gidudahang bangka nga iya sa Venezuelan drug cartel nga nagpadulong sa Estados Unidos.
Matod ni Trump, tulo ka tawo ang namatay sa operasyon nga nahitabo sa gawas sa teritoryo sa Amerika, ug napalgan sa dagat ang dagkong mga bag nga adunay sulod nga gidudahang cocaine ug fentanyl o shabu.
Ang video sa pagbuto sa bangka nga gipaambit ni Trump karon gisusi aron mahibal-an ang pagkatinuod niini, ug niadtong Septiyembre 2, usa ka susamang operasyon ang gihimo batok sa laing barko nga gidudahan usab nga konektado sa Tren De Aragua, usa ka banggiitang Venezuelan gang. diin adunay 11 ka mga tawo ang namatay sa unang pagpamomba sa U.S.
Dugang usab ni Trump nga ang Estados Unidos nagdeploy usab sa iyang militar ngadto sa US Caribbean, lakip na ang pagdeploy sa F-35 fighter jets, pito ka mga barkong iggugubat, ug usa ka nuclear-powered nga submarino.
Samtang, gitawag ni Venezuelan President Nicolás Maduro ang agresyon nga gihimo sa America, ug gisaway usab sa pipila ka mga eksperto ang legalidad sa mga airstrike, ilabi na kay ang maong mga operasyon dili awtorisado sa US Congress.
