Nikanaog sa iyang katungdanan si Baguio City Mayor Benjamin Magalong isip special adviser sa Independent Commission for Infrastructure (ICI).
Gikabutyag ni Communications Undersecretary Claire Castro nga gimanduan ni Presidente Ferdinand Marcos Jr. ang legal team sa Malacañang sa pag-imbestigar sa posibleng conflict of interest ug unconstitutionality sa pagtudlo kang Magalong.
Ang maong direktiba nigawas human nabutyag nga ang St. Gerard Construction, nga gipanag-iya sa magtiayong Discaya, adunay proyekto sa tennis court sa Baguio City nga giingong nabulit sa mga iregulidad.
Gipasabot ni Castro nga medyo gikuwestiyon ang iyang status isip special adviser ug ang imbestigasyon nga iyang gihimo, bisag wala siya gitudlo isip imbestigador, ug matod pa nga ang Presidente nag-ingon nga ang legal nga grupo hangyoon sa pagtuon kung asa siya mahimong iapil o kung asa siya kinahanglan nga ilakip aron ang kagawasan sa ICI dili makompromiso ug walay paglapas sa bisan unsang balaod.
Sa samang higayon, nabalaka usab nga posibleng mapasagdan ni Magalong ang iyang katungdanan sa Baguio City,tungod kay basi sa asoy ni Castro nga nahutdan na si Magalong sa oras sa Baguio City tungod kay busy siya sa ICI, ug giingong dili gusto ni Marcos nga mingawon si Magalong sa mga katagilungsod niini sa Baguio City.
Giklaro usab niya nga si Magalong dili kinahanglang mogugol sa iyang panahon sa ICI tungod kay dili siya opisyal nga miyembro sa maong komisyon.
