Nagsinukliay sa ilang mga panaad nga maghigugmaay hangtod sa kamatayon sila si Pagsabungan Konsehal Lionhardt John Cabahug ug kanhi EB Babe dancer nga si Lian Katrina Paz atubangan ni Mayor Thadeo “Jonkie” Ouano.
Lakip sa unom ka mga paresan ang konsehal ug ang artista nga nagkahiusa niadtong Huwebes, Setyembre 25, diin gipahigayon sa opisina sa Mayor sa dakbayan.
Ang newlyweds kay 12 ka tuig na ang relasyon, ug aduna sila’y tulo ka anak nga babaye ug duha niini mga anak ni Lian sa iyang kanhing bana, ang aktor nga si Paolo Contis, ug ang kamanghuran mao ang biological child nila ni John.
Ang seremonyas niadtong Huwebes nahitabo human sa mga katuigan sa usa ka kontrobersyal nga proseso sa pag-annul alang sa mga kanhi estranged showbiz personalities.
Saksi sa ilang seremonyas sa kasal mao ang ilang mga anak, mga ginakanan, mga maninay ug maninoy ug ilang mga higala ug kabanay.
Isip pahalipay sa unom ka paresan nga gikasal, gipanghatagan sila ni Mayor Jonkie og regalo uban ang panghinaot nga mag uban sila kuyog sa ilang mga anak nga malipayon ug matinud-anon sa usag-usa.
