Niabot sa dakbayan sa Sugbo ang barko sa Vietnam Coast Guard (VCG) nga “CSB 8002” gahapong adlawa alang sa lima ka adlaw nga pagbisita sa pantalan ug joint exercise uban sa Philippine Coast Guard (PCG) aron mapausbaw ang kooperasyon sa kadagatan sa duha ka nasod.
Sa usa ka pamahayag, ang PCG miingon nga ang pagbisita subay sa direktiba ni Presidente Ferdinand R. Marcos Jr. nga palig-onon ang regional partnerships.
Matud sa PCG nga ang mga pakiglambigit nagpasiugda sa giambitan nga pasalig sa duha ka mga coast guard sa pagpalambo sa maritime security, search and rescue operations, ug regional coordination.
Atol sa pagbisita, ipahigayon ang 2nd PCG-VCG Bilateral Meeting subay sa 2024 Memorandum of Understanding on Maritime Cooperation tali sa duha ka nasod, nga molungtad og lima ka adlaw nga kalihokan kay gikatakdang matapos sa Oktubre 10, 2025.
Nasyaran nga ang pagbisita magpakita usab sa nagkalain-laing mga people-to-people ug capacity-building nga mga aktibidad nga gitumong sa pagpalambo sa panaghigalaay ug pagpausbaw sa interoperability tali sa PCG ug sa VCG.
Kini nga mga kalihokan naglakip sa search and rescue tabletop exercises, hiniusang serbisyo sa relasyon sa komunidad, pagbisita sa mga pasilidad sa PCG, ug mahigalaon nga sporting event nga gidesinyo aron sa pagpalambo sa makahuluganon nga interaksyon, pagsinabtanay sa usag usa, ug propesyonal nga kolaborasyon sa mga personahe sa duha ka ahensya sa kadagatan.
