Concert sa SB19 ngadto sa Saudi Arabia, gikanselar

Gikanselar sa Filipino P-pop group nga SB19 ang ilaha untang konsyerto sa Saudi Arabia.

Ipahigayon unta nila ang “Simula at Wakas” Concert sa Oktubre 9 sa Intercontinental Durrat Al Riyadh.

Sumala sa mga organizers nga nangayo sila og pasaylo sa mga fans nga nag-atang sa maong kalingawan tungod daw sa dili malikayang mga kakulian.

Wala hinuon niini giklaro ang hinungdan sa maong kanselasyon.

Apan gipasalig niini nga maibalik ang mga kwartang gigamit sa pagpamalit og tickets sa nakanselar nga konsyerto.