Gitudlo isip acting vice mayor sa dakbayan sa Sugbo si Cebu City Councilor Winston Pepito, gikan Oktubre 9 hangtod Nobyembre 22, 2025, human sa pagbiya ni Bise Mayor Tomas Osmeña alang sa pagpatambal sa Estados Unidos.
Gikompirmar ang appointment pinaagi sa usa ka memorandum nga giluwatan sa Department of the Interior and Local Government (DILG) Cebu City Field Office niadtong Miyerkules, Oktubre 8, nga pormal nga naghatag og pagtugot kang Pepito sa pag-asumer sa katungdanan ni Osmeña sa panahon nga wala ang bise-mayor.
Nipahibawo Si Osmeña, pinaagi sa iyang social media post nga ipa-opera siya aron matambalan ang hernia nga maoy hinungdan sa balikbalik nga urinary tract infections (UTIs). Sigon usab niya nga mahimo pa siyang makontak online samtang sa gawas sa nasud.
Gilauman sa pag-asumer ni Pepito sa katungdanan sa bise mayor, nga siya ang manguna sa mga sesyon sa konseho, magdumala sa lehislatibo, ug makig-alayon kang Mayor Nestor Archival aron masiguro ang hapsay nga pagpadayon sa pagdumala.
Kahinumdoman nagpatambal usab si Osmeña niadtong 2018, alang sa pagpaubos og operasyon sa hernia ngadto sa Estados Unidos.
