NEWS UPDATE: Patay na nga niabot sa tambalanan ang 22-anyos nga lalaki human kini gipusil sulod sa computershop pasado alas 10 sa gabii sa Sitio Upper Santo Niño, Barangay. Kinasang-an ning dakbayan sa Sugbo.
Kini ang gikumpirmar ni PCapt. Charisma Gonzales, ang tigpamaba sa CCPO nga dead on arrival si Molina sa dihang niabot sa tambalan.
Giila ang biktima nga si Christian Laspoña Molina, nagpuyo sa E. Sabellano St. Barangay. Poblacion Pardo, dakabyan sa Sugbo.
Sa inisyal nga imbistigasyon sa Inayawan Police Station 7, Cebu City Police Office nga samtang nagduwa og computer ang biktima kalit lang nga miabot suspek ug dayong gipusil sa likod nga bahin sa liog sa biktima.
Gidugang sa opisyal nga illegal nga droga ang motibo sa pagpamusil. Ingon man nga aduna nay person of interest ang kapulisan diin naila pinaagi sa nakuha nga CCTV footage, hinungdan nga naila ang POI nga usa ka high value individual.
Gisaysay usab ni PCapt. Gonzales, giingon nga ang biktima kay adunay kuwang nga bayad sa gituohang shabu ug ingon man nga sa wala pa kini napusilan kay nagtago-tago ang biktima sulod sa usa ka buwan. | via Bombo Koky Cabatingan
