Gikumpirmar sa militar sa Israel nga milusad kini og air strikes ug artillery fire nga nag-target sa habagatang Gaza niadtong Dominggo, Oktubre 19.
Kini nga aksyon sa Israel kay nakapahinabo sa kahanap sa ceasefire and peace deal nga gipangunayan sa Estados Unidos aron unta sa malungtarong kalinaw sa rehiyon.
Apan ang Israel kay padayong nagsabwag og pagbasol nga daw ang militanteng grupong Hamas sa Palestine ang nag-una-una nga sukwahi sa mga taho sa mga panghitabo.
Sumala sa Israeli military sa usa ka pamahayag nga daw nagpunting sa mga militanteng indibidwal ang ilang pagpangataki sa Rafah area kay daw gipamusil ilang mga sundalo.
Dugang pasangil niini nga ang ilang pagpangatake kay nagguba sa mga tunnel ug military buildings.
Pasalig pa ni Israeli Prime Minister Benjamin Netanyahu nga ang Israel kay dili magduha-duha sa paggamit og pwersa aron hutdon ang Hamas.
Samtang sa habig sa Hamas kay masaligon kining mapadayon ang ceasefire agreement sa tibuok Gaza nga gani wala silay kahibalo nga giatake na sila sa Israel sa Rafah diin wala na silay linya sa komunikasyon sukad niadtong buwan sa Marso.
