Nanawagan ang dako nga pundok sa mga negosyante sa nasud kang President Ferdinand Marcos Jr. aron mahatagan og dinalian nga aksyon ang batok sa nagpadayong kurapsyon sa nasud.
Sa gipagawas nga resolusyon sa grupo nga gilangkuban sa Makati Business Club, Philippine Chamber of Commerce and Industry ug Employers’ Confederation of the Philippines, importante nga matubag dayon sa Presidente ang gitawag nila nga makasaysayanon ug kaylap nga korapsyon sa flood Control ug mga proyekto sa imprastraktura.
Matud pa usab sa grupo nga ang kaylap nga korapsyon dili lang usa ka kapildihan apan ang pagkaguba sa pagsalig sa publiko makahatag ug kagubot.
Ang resolusyon nag-ingon nga ang Independent Commission on Infrastructure (ICI) hatagan og bug-os nga gahom sa pagpahigayon og imbestigasyon ug pagpalayo sa impluwensya sa bisan kinsang politiko.
