Gimandoan ni Presidente Ferdinand Marcos Jr. ang Department of Public Works and Highways nga sulbaron dayon ang kakulang sa mga classroom sa tibuok nasud, human migawas nga 22 ra ka classroom ang natukod sa ahensya karong tuiga.
Sumala ni Palace Press Officer Claire Castro, gimandoan sa Presidente ang imbestigasyon sa hinungdan sa pagkalangan sa mga proyekto, samtang si Secretary Vince Dizon ang gitahasan sa pagpatuman sa usa ka catch-up plan aron mapadali ang pagtukod sa mga eskwelahan.
Gikataho nga ng mga lakang sa administrasyon nga maglakip usab sa pagkoordinar sa mga local government unit aron mapadali ang proseso sa pagtukod.
Atol sa pakigpulong kaniadto atol sa pag-apod-apod sa mga Patient Transport Vehicle sa Butuan City, ang Presidente miingon nga ang pondo alang sa pagtukod sa mga classroom i-download sa mga LGU.
Gipasalig usab sa Palasyo nga kung adunay mapamatud-an nga kakulangan o pagpasagad sa bahin sa mga opisyal, aduna gayuy manubag.
Samtang, kalabot sa panawagan ni Senador Bam Aquino nga ideklarar ang Classroom Building Acceleration Program nga urgent, ang Malacañang miingon nga ang Opisina sa Presidente wala pa makadawat og kopya sa balaodnon, apan ang pagsulbad sa kakulang sa mga classroom sa nasud nagpabilin nga prayoridad sa administrasyon.
