-- ADVERTISEMENT --
Mipupo og bulawanong medalya human sa iyang record-breaking performance ang delegado sa Cebu City Niños nga si David Bolongaita sa natad nga boys’ 18-under javelin throw sa nagpadayong Batang Pinoy 2025 National Championships sa General Santos City niadtong Lunes, Oktubre 27, 2025.
Usa ka tinun-an sa Abellana National High School si Bolongaita diin iyang nakuha ang meet record sa javelin throw nga 56.68 meters.
Kini milapas sa nakalabayng record sa Batang Pinoy games sa 55.10 meters.
Ang iyang kadaugan kay nagdala og laing gold medal para sa Cebu City Niños diin sa pinakaulahing ihap kay aduna nay kinatibuk-ang 9 ka mga medalya.
