Posibleng konektado sa halapad nga kurapsyon ang bag-ohay lang nga paghuyang sa piso batok sa ubang kwarta sa kalibutan ilabi na sa US dollar.
Kini human mitala ang Philippine perso sa historic low niini sa P59.13 ilis sa $1 US niadtong Martes, Oktubre 28.
Pamahayag sa Bangko Sentral ng Pilipinas (BSP) nga independente ang lihok sa merkado kabahin sa balor sa piso apan aduna lang pipila ka higayon nga mu-intervene kini aron mapakalma ang lihok sa inflation.
Ang bag-ohay lang nga pag-ubos sa bili sa piso mahimong resulta sa mga kabalaka sa merkado bahin sa posibleng paghinay sa pagtubo sa ekonomiya, tungod sa kontrobersiya bahin sa paggasto sa proyektong pang-imprastraktura.
Bisan pa niini, ang piso nagpabilin nga lig-on tungod sa padayon nga pag-abot sa mga remittance gikan sa mga trabahanteng Pilipino sa gawas sa nasud, paspas gihapon nga pagtubo sa ekonomiya, ubos nga inflation, ug nagpadayon nga mga reporma sa istruktura.
Dugang pa, ang kita gikan sa business process outsourcing (BPO), turismo, ug mga remittance nagsilbing panagang batok sa mga external causes nga mahimong makaapekto sa ekonomiya.
