Gibana-bana nga mo-abot sa 5.6 porsiyento hangtod 6.6 porsiyento ang headline inflation o kinatibuk-ang pagsaka sa presyo sa mga palaliton niadtong Hulyo, sumala sa Bangko Sentral ng Pilipinas.
Matud sa BSP, nahimong hinungdan sa pagtaas sa inflation ang mahal nga presyo sa gasolina sa lokal nga merkado, pagsaka sa bayranan sa kuryente, pagmahal sa isda, ug paghuyang sa piso batok sa nagkalig-on nga dolyar sa Estados Unidos.
Bisan pa niini, gilauman nga mapugngan ang dakong pagsaka tungod sa pagkunhod sa presyo sa pipila ka importanteng pagkaon sama sa bugas, karne, utanon, ug prutas.
Matud pa sa sentral nga bangko nga magpadayon kini sa hugot nga pagbantay sa mga bag-ong datos, ilabina sa inflation ug kahimtang sa ekonomiya, lakip na ang epekto sa nagpadayong krisis sa Middle East. Butuan City Guide
Ang inflation sa Pilipinas niabot sa 6.4 porsiyento niadtong Hunyo, samtang ipagawas sa Philippine Statistics Authority ang opisyal nga datos sa inflation sa Hulyo karong Agosto 5.
