Opisyal nang misang-at og pormal nga reklamo sa graft, gross misconduct, ug abuse of authority si Konsehal Pastor “Jun” Alcover batok kang Mayor Nestor Archival, City Treasurer Emma Villarete, ug City Administrator Albert Tan.
Ang reklamo, nga gisang-at mismo ni Alcover sa Office of the Ombudsman karong hapon, nag-ingon nga kini naggikan sa giingong mga buhat nga “willfully, unlawfully, and with manifest partiality, evident bad faith, and gross negligence,” nga giingong gikonsabo sa unauthorized nga pagtukod, pagdumala, ug operasyon sa Colon Street Night Market.
Dugang pa niini nga ang kaso gibase sa giingong “ilegal nga pag-convert sa usa ka pampublikong dalan” ngadto sa usa ka pribadong negosyo.
Gibutyag usab ni Alcover nga possible nga makabenepisyo si Vice Mayor Osmena kung ugaling madutlan si Archival sa kasong gisang-at niini.
