Gianunsyo ni US President Donald Trump ang pag-finalize na niini sa detalye sa bag-ong trade deal sa South Korea sa panagsabot nila ni President Lee Jae Myung niadtong Miyerkules, Oktubre 29.
Gipahibalo ni Trump ang iyang pagkamalaumon sa bag-ong kasabutang pamatigayon sa South Korea atol sa ilang panagtagbo sa usa ka Asia Pacific forum.
Nasabutan ni Trump ug Lee nga ang South Korea kay misaad sa $350-bilyones nga pamuhunan sa Estados Unidos nga ipaagi og installment sa $20-bilyones matag tuig.
Diin dakong bahin niini kay igahin sa sektor sa pagmugna og barko kun shipbuilding nga usa sa mga gipasalig ni Trump sa mga Amerikano nga ipanumbalik nga industriya sa Estados Unidos.
Kahinumduman nga niadtong Hulyo unang nagkasabot ang US ug South Korea sa binilyon nga pamuhunan aron malikayan ang latigo sa taripa nga gipatuman ni Trump sa kamerkadohan sa Amerika.
