Mibyahe paingon sa Thailand niadtong Domingo, Nobyembre 2, si Ahtisa Manalo aron morepresentar sa Pilipinas sa Miss Universe 2025 pageant.
Sa iyang send-off event sa Ninoy Aquino International Airport, gisugat si Ahtisa sa daghang mga supporters.
Nagsul-ob siya og puti nga two-piece Filipiniana suit, ang iyang Miss Universe Philippines sash, ug naggunit og gamay nga bandila sa Pilipinas.
Sa usa ka social media post sa Miss Universe Philippines Organization, ilang giingon nga ang airport napuno sa gugma ug garbo samtang si Ahtisa mibiya aron dad-on ang mga kasingkasing sa matag Pilipino sa internasyonal nga entablado.
Kahinumduman nga si Ahtisa gikoronahan isip Miss Universe Philippines 2025 niadtong Mayo.
Target karon sa beauty queen nga makuha ang iyang ikalima nga korona sa Miss Universe para sa nasud.
Samtang, ang Miss Universe 2025 gikatakda nga ipahigayon sa Thailand sa Nobyembre 21.
