Mas gipangandaman pa sa kagamhanan sa Probinsya sa Bohol ang Bagyong Tino nga moigo sa Central Visayas.
Kini ang gipaambit ni Bohol Governor Erico Aris Aumentado nga ilang gipanglanwatan ang ‘worst-case scenario’ sa Bagyong Tino mao nga hugot ang ilang pagpangandam hilabi na nga dili sila gusto nga masusama ang kadaot nga nahiaguman kaniadtong mikuso-kuso ang Bagyong Odette.
Hinungdan nga subsob ang pakig-alayon sa kagamhanan ngadto sa nagkandaiyang mga ahensya sama sa Department of Social Welfare and Development Central Visayas diin paspas usab nga nakapa-standby og 60,000 ka mga food packs alang sa iyang Probinsya.
Ingon man nga gimanduan na usab sa Gobernador ang Armed Forces of the Philippines ug Philippine National Police nga i-andam ang ilang pwersa kon gani gikinahanglan ang tabang sa mga Boholano.
Gipasiguro usab niini nga ibutang sa luwas ang mga rescue assets aron hingpit kini nga magamit ug dili kini mahimong babag kung magpahigayon og operasyon.
