Napahapa sa kusog nga hangin ug pag-ulan tungod sa Bagyong Tino ang lima ka transmission lines sa Eastern Visayas ug CARAGA, matod sa National Grid Corporation of the Philippines (NGCP).
Kalabot niini, apektado ang mga linya sa Leyte, Southern Leyte, ug CARAGA, lakip ang Maasin-Baybay, Ormoc-San Isidro, Ormoc-Baybay, Maasin-San Isidro, ug Placer-Madrid 69kV lines.
Tungod niini, daghang mga lugar nga sakop sa Leyte Electric Cooperative (LEYECO), Don Orestes Romualdez Electric Cooperative (DORELCO), Southern Leyte Electric Cooperative (SOLECO), Surigao del Norte Electric Cooperative (SURNECO), Siargao Electric Cooperative (SIARELCO), ug Surigao del Sur II Electric Cooperative (SURSECO II) ang nawad-an og kuryente.
Ingon man ang usa ka 138kV ug 350kV nga linya ang wala usab magamit, sumala sa NGCP.
Nagpahigayon na karon og patrol ug restoration works ang mga linemen sa mga lugar nga maabot. Gipasabot usab sa NGCP nga ang pagkawala sa kuryente mahimong tungod sa kadaot sa mga pasilidad sa transmission o distribution, ug ang mga electric cooperative nag-ila sa eksaktong mga lugar nga naapektuhan.
