Subsob ang pagpahigayon og series meeting sa Department of Education Central Visayas ngadto sa Regional Offices ug sa mga Division offices aron hisgutan ang mga estratihiya sa pagsulbad sa tanang kabalaka nga apektado ang mga magtutudlo ug mga tinun-an tungod sa mga katalagman nga miigo sa rehiyon.
Kini ang gipaambit ni Dr. Salustiano Jimenez, Regional Director sa DepEd 7 ug usa sa mga gitutukan karon sa ahensya ang pagpahigayon og clearing operation sa mga tunghaan nga hilabihang naapektuhan sa Bagyong Tino ug sa nauna niini nga linog.
Nanghinaot ang opisyal nga mahuman na sa daling panahon ang mga clearing gumikan possible kini nga mahimong rason nga mahunong ang bata sa ilang pag-eskwela.
Apan sa pagkakaron, naghinay-hinay og pag-apud-apod ang DepEd 7 sa ‘EduKahon’ nga adunay sulod nga mga reading materials ug uban pang school supplies nga mamahimong gamiton sa mga bata samtang anaa sila sa ilang mga balay.
Ingon man ang pagpahigayon og aral program aron sa pag-catch up sa mga lesson.
