Moabot sa 5,805,485 ka mga tawo ang na-ila nga naapektuhan sa kadaot nga gipahinabo sa Super Typhoon Uwan, base sa assessment sa Department of Social Welfare and Development (DSWD).
Kini katumbas sa 1,669,809 ka mga pamilya gikan sa 14,162 ka mga barangay.
Bisan pa niini, ang gidaghanon sa mga tawo sa mga evacuation center mikunhod ngadto sa 518,184 human ang halos tunga sa milyon nga mga na-evacuate tungod sa bagyo gitugotan nga makabalik na sa ilang panimalay nga katumbas sa 144,290 ka mga pamilya.
Moabot sa 7,344 ka mga evacuation center ang nagpabilin nga abli, kadaghanan niini gikan sa Northern Luzon nga padayon nga nag-antos sa kaylap nga pagbaha.
Bisan pa man nga nagpadayon ang assessment sa mga balay nga nadaot sa bagyo, adunay mga inisyal nga report nga sobra sa 70,800 ka mga balay ang na-ila nga nadaot samtang hapit 9,000 ang naguba atol sa bagyo.
Sumala sa ahensya, aduna pa’y P2.7-bilyones nga kantidad sa pondo nga magamit alang sa sunod-sunod nga mga kalamidad.
