Bohol Gov. Aumentado, mi-awhag sa mga Bol-anon nga mag tanom ug mga punoan human iyang nakita ang grabeng baha sa Sugbo atol sa pag-igo sa Bagyong Tino

Gi-awhag ni Bohol Governor Erico ‘Aris’ Aumentado ang mga Bol-anon nga magtanom og mga punoan human iyang nakita ang grabeng baha sa Sugbo nunot sa pag-igo sa Bagyong Tino.

Kini ang gipaambit sa gobernadora tungod sa kaylap nga pagbaha sa Cebu nga mikalas og daghang kinabuhi ug miguba og daghang kabtangan.

Busa, iyang gipahibalo nga magpahigayon ang Bohol og massive tree planting sa Enero sa pagsugat sa 2026.

Dugang ni Aumentado nga ang maong lakang kay isip pagbawi sa kinaiyahan nga naabuso ug wala na nahatagan og pagtagad gumikan nakatutok sa paghimo og kalamboan nga nakadaot na diay sa kinaiyahan.

Hinungdan nga iyang gipasiugda ang kamahinungdanon sa balanse tali sa pagmugna og development ug sa pag-preserbar sa kabundukan sa Bohol.