Hugot na nga gipatuman sa kagamhanan sa Probinsya sa Sugbo ang tanang quarry, mining, ug development permittees sa pagtanom og mga kahoy, pagdonar og mga seedlings, ug pagtukod og mga drainage canal isip kabahin sa ilang mga obligasyon sa kalikopan.
Gi-isyu ang direktiba ni Gobernador Pamela Baricuatro niadtong Lunes, Nobyembre 17.
Base sa gipagawas nga memorandum, kini nagmando nga magtanom og usa ka seedling alang sa matag cubic meter sa nakuha nga mga materyales, ang pagdonar og mga endemic o fruit-bearing seedlings ngadto sa mga nursery sa Kapitolyo, ug ang pagtukod og mga drainage canal sulod sa mga permit area, kinahanglan matuman, sa dili pa ma-renew ang mga permit.
Sigon ni Assistant Provincial Administrator Aldwin Empaces, nga ang ordinansa dugay na nga anaa apan walay hugot nga pagpatuman.
Dugang niini, nga gipahinumdoman na karon sa Kapitolyo ang mga operator nga ang pagtanom og kahoy kabahin sa ilang post-environmental responsibility.
Hugot usab nga bantayan sa Provincial Environment and Natural Resources Office (Penro) ang maong mando aron masiguro ang hugot nga pagsunod.
